25 år med stål, sveising og utvikling

— Vil du ha ei wienerpølsa? Etterpå kan du forsyna deg med marsipankake, seier dagleg leiar Erle Mæland Aasheim, og køen framfor pølsegryta ballar på seg.

Fredag var det høgtidleg feiring av både 25 år i drift for MCE, men også for at dei har klar påbygg nummer 400 sidan oppstarten. Altså: Ein flunkande ny tilhengjar med plass til 700 sauer, som er leveringsklar.

MCE blei etablert 1. januar 2001 under namnet Maritime Contracting Etne AS. I august 2010 tok selskapet namnet MCE, men verksemda har heilt sidan starten arbeidd med prefabrikasjon i stål, rustfritt stål og aluminium.