Det var spenning til siste slutt om kven som fekk napp i vandrepokalen i NMK Vikedal sitt klubbmeisterskap 2021. Vindafjordingane måtte sjå seg slått av Tysværbuen Eirik Sandvik som fekk sitt andre napp i den prestisjefylte pokalen.
FOTO: Anne-Britt Grindheim
Bånn gass i Vikedal
Det var bånn gass og stor spenning under A finalen på laurdagens bilcross i regi av NMK Vikedal om kven som fekk napp i vandrepokalen frå 2016. Så langt er det fem forskjellige som har eit napp i den gjeve pokalen.
Trass ein våt og regnfull laurdag, stogga det verken utøverar eller publikum til å ta turen til NMK Vikedal for å få med seg sesongens siste bilcross løp for juniorar og seniorar, crosskart Xtrem og Mini. Dei yngste motorcross-køyrarane på to hjul var også godt representert.
Etter pausen kikka sola fram øvst i Vikedalsdalen, og det vart spanande rundar på ein framleis våt bane, som kunne gi utfordringar og full konsentrasjon bak rattet.
