50 damer på startsstreken

For fem år sidan stelte NMK Vikedal i stand ein eigen dag for ein liten gjeng fartsglade damer som ynskte å testa køyreferdigheitene på motorbanen. Bilcrossarrangementet fall i smak og året etter meldte fleire si interesse for å delta på det som skulle bli ein fast Damedag i Vikedal. Laurdag inviterer klubben igjen til fartsfylte rundar med damer bak rattet, og i år som i fjor er deltakarlista alt fullteikna.

— Me har 50 påmelde. Det er maks av det me kan ta inn, så nå må resten stå på venteliste, seier Rita Skeie i arrangementskomiteen.

Ho håpar på like god stemning som i fjor, og ser helst at vêret vil spela meir på lag enn sist.