Yvonne Sandgren feirar ti år med butikken Prikkar.
Ann Margit Grønstad
Yvonne våga å satse noko litt annleis – no feirar butikken hennar 10 år
I år markerer Prikkar i Etne tiårsjubileum – eit butikkonsept som eigar Yvonne Sandgren starta med ein langvarig idé og ei kjærleik for prikkar.
Det heile byrja eigentleg i Stavanger, der ho budde og planla å opna ein prikkebutikk i Fargegata. Men då ho og familien flytta til Etne, tok planane ein ny retning.
– Ideen hadde eg lenge. Men då me flytta til Etne, starta eg først å jobbe som prosjektleiar i Etnemarknaden. Likevel slapp ikkje ideen taket, og eg tenkte at eg må berre prøve den ut, fortel ho.
Etter kvart opna ho butikken Prikkar i det raude huset på torget i Etne, og sidan kom nettbutikken på plass. I prikkebutikken heldt ho ope kvar dag.
