Westcon i Ølensvåg.
Svein Egil Økland / Westcon Yards
Westcon med oppkjøp: — Byggjer eit kraftfullt kompetansemiljø
Westcon Power & Automation (WPA) har kjøpt Global Ocean Technology (GOT) si avdeling i Bergensregionen.
Det melder Westcon Power & Automation i ei pressemelding fredag.
Global Ocean Technology (GOT) si avdeling i Bergen var tidligare ein del av OneCo. Westcon Power & Automation skriv i pressemeldinga at oppkjøpet er ein del av ei strategisk satsing som skal styrkja posisjonen deira innan både olje- og gassmarknaden og forsvarssektoren i Noreg.
Som følgje av oppkjøpet vil Westcon Power & Automation slå saman sitt eksisterande Bergenskontor med GOT-avdelinga. Verksemda blir samla på GOT sin lokasjon på Hilleren, i nærleiken av Haakonsvern hovudbase. Avdelinga som no blir ein del av WPA, har om lag 50 tilsette.
