Kenneth Karlsen (Frp, t.h.) fekk med seg Jostein Osnes (V) og resten av Etne kommunestyre til å røyste for at rådmannen skal greie ut ei sak om etablering av kommunalt mobbeombod.
FOTO: TORSTEIN TYSVÆR NYMOEN
Vurderer kommunalt mobbeombod
Etne kommunestyre vil mobbing i skulen til livs.
Etne kommunestyre vedtok i siste møte at rådmannen skal greie ut behovet for eit kommunalt, eventuelt eit interkommunalt, mobbeombod. Saka kom opp under kommunestyret si handsaming av tilstandsrapport for skulane i kommunen. Der kjem det fram at talet på elevar som kjenner seg mobba ved Enge skule er høgare enn gjennomsnittet i landet.
Samrøysta
Det var Kenneth Karlsen (Frp) som først fremja forslag om å opprette eit kommunalt mobbeombod, dette i tillegg til det fylkeskommunale mobbeombodet som finst i Hordaland.
