Vurderer å flytte lekteren

I midten av juli skreiv Grannar ein artikkel om at hyttenaboar og fastbuande i Ilsvåg engasjerete seg i ein underskriftskampanje, med mål om å få bort ein lekter som ligg ankra opp i Ilsvåg. 49 personar signerte på kampanjen, som blei levert til rådhuset i Vindafjord. Ifølgje naboane har lekteren lege i bukta i Ilsvåg i over eitt år. Vindafjord kommune har ved fleire høve vore i kontakt med Morten Lærdal i Fjordentreprenøren, som eig lekteren. Kommunen har fått lovnad om at lekteren skal flyttast, men ingen dato for når det skal skje.

— No har me ikkje fått tak i Lærdal på ei god stund. Me har prøvd epost, telefon og sms, uttalte jurist Magne Nagell Bjordal i Vindafjord kommune til Grannar i artikkelen som blei publisert torsdag 14. juli.

Lærdal har heller ikkje vore tilgjengeleg for ein uttale når Grannar har kontakta han. Noko av årsaka til at naboane i Ilsvåg vil ha bort lekteren, er at dei har observert at den lek.