Helikoptertrafikken til og frå Nordsjøen er råka av uvêr måndag.
ARKIVFOTO: CHC Helikopter Service
Vêr og trafikk: Helikoptertrafikken har starta opp igjen
NPK-NTB: Helikopterflygingar mellom Bergen og Nordsjøen var måndag morgon utsette på ubestemd tid som følgje av uvêret på Vestlandet, opplyser Equinor.
Årsaka var vêrforholda med vind og høge bølgjer. I 7-tida var fem morgonflygingar frå Flesland utsette, skriv Bergensavisen.
– Passasjerar blir bedne om å møte til ordinær tid for innsjekk, opplyser Equinor på heliport.no.
Helikoptertrafikken er no i gang igjen frå Bergen.
Dei første helikoptera frå Bergen til oljeplattformene gjekk i 10.30-tida, ifølgje NRK.
Trafikken frå Florø er framleis ikkje i gang igjen
Årsaka til at flygingane vart utsette, var den sterke vinden som herjar på Vestlandet. Meteorologane har varsla om svært sterke vindkast og mogleg orkan ved Stad.
Meteorologane har åtvara om kraftige vindkast på opp mot 30–35 meter i sekundet og har sendt ut gult farevarsel fram til måndag ettermiddag i delar av Vestland, Innlandet, Møre og Romsdal og Sør-Trøndelag.
