Janne Urdal Aursland gir seg som styreleiar i Vindafjordhallen SA, men skal vere med gjennom innflyttingsfasen. ARKIVFOTO
Vindafjordhallen
Vindafjordhallen: — Krevjande finansiering
Etter at Vindafjord formannskap sendte delar av rekninga for eit nytt symjeanlegg og bygdahus i Vats vidare til Vindafjordhallen SA har styreleiar Janne Urdal Aursland jobba med å få inn pengar. Nå ser ho støtteordningar som deira beste håp.
— Eg ser at det kanskje er litt bygdepolitikk som slår inn i svara me får frå bedriftene. Det synest eg er litt trist, fordi det skal bli eit signalbygg for heile Vindafjord, seier Urdal Aursland.
Styreleiaren fortel at dei har vore i kontakt med alle store bedrifter i kommunen. På førespurnadane sine har dei fått nokre konkrete avslag, nokre som ikkje har svart, samt nokre dei framleis jobbar med. Urdal Aursland understrekar at ho har forståing for at ikkje alle bedrifter kan gi pengar i ei tid med høge kostnadar frå blant anna aukande rente. Enkelte bedrifter har funne andre måtar å hjelpe den framtidige drifta på.
— Nokre bedrifter har tatt kontakt med at dei kan bidra med diverse utstyr, blant anna lyd og lys, fortel styreleiaren.
