Vindafjord: Ventar rush av positive koronatestar

Ei stor smittebølje herjar i Vindafjord og det ligg an til over langt over hundre nye smittetilfelle, kanskje rundt 130, i løpet av éi veke. Kommuneoverlege Terje Kleiven opplyser til Grannar onsdag ettermiddag at dei framleis ventar endeleg svar på vel 80 hurtigtestar frå dei tre siste dagane, der alle har hatt positive utslag, men som ventar på offisiell stadfesting.

— Nokre få av desse er stadfesta med positiv smitte av covid-19, og eg reknar med at mesteparten av desse vel 80 vil bli registrert som positive når svaret kjem. Ved laboratoriet i Oslo som me brukar, er det for tida kø av prøvar til analyse som me ventar svar på, seier Kleven.