Vindafjord får ny topp-rangering – Etne med fint byks

Sola kommune er vinnar av årets kommune-NM i regi av Næringslivets Hovudorganisasjon (NHO), viser tal som blei presentert tysdag kveld. Rogaland er best beste fylke, berre slått av Oslo. Vestland endar på femteplass.

Vindafjord i toppen

Vindafjord kommune har sikra seg ei ny sterk plassering i Kommune-NM, med ein 19. plass på den nasjonale rangeringa. Det er vel å merke to trinn ned frå fjorårets kåring, men plasseringa viser at kommunen gjer det godt på fleire av dei økonomiske og samfunnsmessige områda som vert målt i undersøkinga.

Dei to kommunane som har gått forbi Vindafjord er naboen Tysvær, og Lillestrøm kommune.

Rett veg for Etne

Etne kommune gjer eit byks frå 113. plass til 88. plass på lista samanlikna med i fjor. Det er vesentleg betre enn fleire av nabokommunane på Haugalandet og i Sunnhordland.

NHOs Kommune-NM er ei årleg rangering som vurderer økonomiske prestasjonar og rammevilkåra for næringslivet i alle norske kommunar. Rangeringa er basert på fem hovudtema: næringsliv, arbeidsmarknad, demografi, kompetanse og kommuneøkonomi. Desse temaområda vert målt ut frå kvantitative data frå offisielle statistikkar, og til saman gir dei eit bilete av kommunen sin økonomiske berekraft og potensial for vekst.

Høg yrkesdeltaking, ein ung og kompetent arbeidsstyrke, stor variasjon i næringslivet og solid kommuneøkonomi spelar inn på den totale vurderinga. Kommune-NM måler ikkje direkte politiske tiltak eller næringsvennlege initiativ, men fokuserer på dei konkrete resultata som kjem fram i statistikkane.

Sterk arbeidsmarknad

Vindafjord skårer særs høgt på låg arbeidsledigheit, og i dette segmente er dei 14. best i landet. Også Etne kjem godt ut her. Begge kommunane skårar også greit på næringsliv. Rangeringa speglar vekstkrafta i privat næringsliv reflekterast gjennom indikatorar for verdiskaping, nyetableringar og sysselsetjing. Sterk privat kjøpekraft er òg ein positiv drivkraft for næringslivet, skriv NHO.

Vindafjord skårar høgast av våre kommunar på kompetanse. Områdeindikatoren inkluderer indikatorar for sysselsetjingsdelar med minst fire års høgare utdanning og med teknisk og naturvitskapleg utdanning, samt tilbodet av arbeidskraft med fagprøver. Alle indikatorane gjeld for fjoråret.

Mens Vindafjord også er inne på topp 100 når det kjem både til demografi (99. plass) og kommuneøkonomi (90. plass), så er det disse punkta som ifølgje NHO først og fremst skil dei to nabokommunae frå kvarvandre. Etne må ta til takke med 123. plass av 356 kommunar på demografi. Områdeindikatoren for demografi omfattar folkevekst, delen unge i forhold til eldre i arbeidsstyrken og nettoinnflytting mellom kommunane. Folkevekst ser på gjennomsnittleg folkevekst dei siste tre åra, medan dei andre indikatorane gjeld for fjoråret.

Når det kjem til kommuneøkonomi er Etne på 260. plass av landets kommunar, noko som er med på å trekke kommunen lengre ned på resultatlista. NHO har måler kommuneøkonomi slik: Administrasjonsutgifter måler belastninga av netto driftsutgifter til administrasjon per innbyggjar, og låge utgifter indikerer effektiv drift. Driftsresultat, målt i forhold til driftsutgifter, og høg kommunal betalingsevne, målt som arbeidskapital i prosent av brutto driftsinntekter, indikerer god økonomistyring. Aldring, som måler delen av folkesetnaden over 80 år 20 år fram i tid, indikerer den framtidige belastninga av eldrebølgja.

Vindafjord (19. plass totalt)

Næringsliv: 23. plas

Arbeidsmarknaden: 14.plass

Demografi: 99. plass

Kompetanse: 54. plass

Kommuneøkonomi: 90. plass

Etne (88. plass)

Næringsliv: 46. plass

Arbeidsmarknad: 56. plass

Demografi: 237. plass

Kompetane: 123. plass

Kommuneøkonomi: 260. plass

Plassering (totalt) for andre utvalde kommunar:

Tysvær: 16. plass

Haugesund: 22. plass

Bømlo: 35. plass

Sauda: 89. plass

Suldal: 105. plass

Stord: 28. plass

Kvinnherad: 121. plass

Ullensvang: 161. plass

Sveio: 185. plass

Bokn: 216. plass

Utsira: 269. plass