Siri Klokkerstuen er ny leiar av Etne Mållag. ARKIVFOTO
Vil vurdera busetjing av Moriaflyktningar
I forkant av kommunestyremøtet i Etne kommune sist veke la gruppeleiar i Ap, Siri Klokkerstuen, fram eit grunngjeve spørsmål til ordføraren der ho tok opp mogeleg mottak av flyktningar frå i Moria-leiren i Hellas. Det fekk ikkje støtte i Frp, men blei tilrådd vurdert av ordføraren.
I spørsmålet oppmoda Siri Klokkerstuen ordføraren å vurdera om Etne kommune skal seia ja til å ta imot flyktningar frå Moria-leiren. Etne Ap peikar på den akutte situasjonen i leiren i Hellas, som nyleg er blitt forverra etter brannen som herja, og meiner kommunen er i stand til å ta imot flyktningar frå leiren.
– Kommunen har over lang tid utvikla eit godt introduksjonsprogram og opplæringstilbod til flyktningar frå fleire land, og Etne kommune er ikkje oppmoda til å ta i mot fleire flyktningar. Tenesta må byggjast ned og verdifull kompetanse forsvinn. Etne Ap ser at me har meir å tilby dei som treng det mest. Me oppmodar ordførar å vurdera om Etne kommune skal melda seg som eit kompetent og godt lokalsamfunn som ynskjer å seia ja til å ta imot flyktningar frå Moria-leiren, heiter det i oppmodinga.
Seier nei
