Vil investere for 13 millionar i brann og redning

Etne kommune har den siste tida måtte tåle mykje kritikk frå tilsette i brannvesenet, og den siste tida har leiinga jobba med forslag til ein ny såkalla tiltaksplan for branneininga, og denne er no klar melder kommunen i ei pressemelding.

13 millionar på seks år

Administrasjonen i Etne kommune og Etne brann og redning skriv i pressemeldinga at dei føreslår investeringar på nærmare 13 millionar kroner i det nye brann- og redningsvesenet i kommunen fram mot 2030. Dette er ei dobling av investeringane dei siste to åra.