Vil ha meir lokal verdiskaping

John Karsten Hustveit er dagleg leiar ved Åkrafjordtunet og Åkrafjorden Oppleving og seier at cruise betyr svært mykje for reiselivet i Åkrafjorden, og at utviklinga dei siste åra har vore stor.

Han peikar på at store volum av gjester er det som skal til for å skapa grunnlag for arbeidsplassar som varer heile året.

— Det er eit heilt utruleg volum, seier Hustveit, og siktar til at besøkstala har gått frå 4.500 i 2019 og til over 20.000 i åra som følgde.