John Karsten Hustveit ser fram til at turistane frå cruisetrafikken kjem til fjorden for å oppleva det dei har å by på. Eit betre samarbeid med aktørane, kan også skapa meir verdiskaping og fleire arbeidsplassar lokalt.
Grethe Hopland Ravn
Vil ha meir lokal verdiskaping
John Karsten Hustveit er glad for at cruisetrafikken på Haugalandet truleg går mot ny rekord i 2026. Likevel meiner han at besøka må gi meir igjen lokalt, gjennom tettare samarbeid og betre planlegging.
John Karsten Hustveit er dagleg leiar ved
Åkrafjordtunet og Åkrafjorden Oppleving og seier at cruise betyr svært mykje for
reiselivet i Åkrafjorden, og at utviklinga dei siste åra har vore stor.
Han peikar på at store volum av gjester er det som
skal til for å skapa grunnlag for arbeidsplassar som varer heile året.
— Det er eit heilt utruleg volum, seier Hustveit,
og siktar til at besøkstala har gått frå 4.500 i 2019 og til over 20.000 i åra
som følgde.
