Kulturkonsulent Liv Kari Bødtker i Etne kommune.
Arkivfoto: Grethe Hopland Ravn
Vil du melda inn kandidatar til heider eller stipend?
Det nærmar seg frist for å foreslå kandidatar til Etne kommune sine nye prisar og stipend. Kulturkonsulent Liv Kari Bødtker, opplyser at kommunen no spesielt ønskjer forslag frå innbyggjarane før fristen går ut.
Etne kommune har frå 2025 etablert ei eiga ordning
for å løfta fram både framifrå prestasjonar og unge talent i bygda.
Ordninga er
forankra i kommunestyret sitt vedtak 17. juni 2025, og byggjer på ei pott på 50.000
kroner som formannskapet skal dela ut årleg.
Dette omfattar både heider til personar og grupper/lag som har utmerka seg, og stipend
til unge talent innan kultur og idrett.
Ifølgje Liv Kari Bødtker er det viktig for
kommunen å få breie og gode forslag frå publikum, og ho oppmodar både lag,
organisasjonar, foreldre og enkeltpersonar til å melda inn kandidatar medan det
framleis er tid.
