Verna skute treng støttespelarar

— Me ønskjer å få skipet tilbake slik det var då det gjekk ut av fjorden for første gong, seier Børre Bergshaven, John Karsten Hustveit og Robert Melkeraaen.

Dei tre karane står i spissen for å få det snart 120 år gamle seglskipet tilbake til heimlege trakter og ser føre seg at båten kan bli ein ny attraksjon som kan vera til glede og nytte for store og små når det etter planen vil vera ferdig restaurert om eit par års tid.

— Dette blir ein museumsbåt som skal gå på turar i Åkrafjorden og bli brukt til langfart mellom anna til Shetland. Målet er at båten skal vera klar til 120-årsdagen, seier dei.