Mange er ute på flytur i sommar, men ikkje alle veit kva dei kan krevje av flyselskapa.
Foto: Annika Byrde / NTB /NPK
Ver klar over rettigheitene dine på reise – du kan spare fleire tusen
Forbrukarrådet kjem med fleire tips til korleis du kan klare deg best, sjølv om reisa tek ei uventa vending.
Sommaren er høgtida for reising, men også forseinkingar og bagasjekaos. Det kan bli ei ekstra stressande tid om du i tillegg ikkje kjenner til rettigheitene du har, skriv Forbrukarrådet på sine eigne nettsider.
– Viss flyginga di blir forseinka eller innstilt har du klare og tydelege rettar. Rettane dine varierer både etter kor lang forseinkinga er, og kva som er årsaka til at det har vorte eit avvik, seier forbrukarjurist Thomas Iversen.
Forbukerrådet har ein eigen kalkulator der ein kan rekne ut sine eigne rettigheiter. Du kan fort ha krav på ein ekstrakompensasjon på mellom 250 og 600 euro dersom flyet blir meir enn 4 timar forseinka.
