Ventar på finansiering av veg

I desember vedtok fylkestinget regional transportplan (RTP) 2022-2033 for Vestland. Under vegprosjekt for mogleg oppstart i perioden 2023-2027 ligg fylkesveg 548; Skånevik – Nesvågen – Flesjo, som både skal bli breiare og få fortau. Førebels ligg dette prosjektet ferdig regulert og klart, men det er så langt ikkje løyvd ei krone til prislappen som i 2020 blei sett til over 300 millionar kroner. Først i juni 2022 skal det avgjerast om den svært smale, svingete og til dels rasfarlege vegen blir prioritert. Dermed må lokalpolitikarane fri til fylkespolitikarane.

— Eg er alltid optimist, men me har ei enorm utfordring når det kjem til samferdsel i Vestland. Me må likevel tru at me her skal klara å arbeida tverrpolitisk, og me har ein jobb å gjera. Fordelen med dette vegprosjektet, er at dette er det einaste som ligg ferdig detaljregulert. Så om me ikkje får finansiert heile strekket, så håpar eg i alle fall at me får pengar til Skånevik – Nesvågen. Det viktigaste er å koma inn på prioriteringslista, og me ligg godt an, seier ordførar i Etne, Mette Heidi Bergsvåg Ekrheimm som også er fylkespoitikar.

Pressa dei rette kanalane