Fleire passasjerar har reist via norske flyplasser i august i år enn i fjor.
Foto: Heidi Molstad Andresen / NPK
Vekst i utanlandstrafikken ved norske flyplassar
Talet på reisande ved Avinors flyplassar held fram med å auke. Utanlandstrafikken var det som drog passasjertala oppover i august.
Det samla talet passasjerar i august var på 4,8 millionar, skriv Avinor i ei pressemelding. Det er ein auke på 3 prosent frå året før.
Av dei var omtrent 2,26 millionar reisande utanlands, ein auke på 8 prosent.
– Vi ventar at auken i utanlandske turistar held fram i åra som kjem. Denne utviklinga har vi sett ei god stund no, og prognosane våre viser at det vil halde fram, seier Gaute Skallerud Riise, direktør for trafikkutvikling i Avinor.
Han seier talet også inkluderer norske utanlandsreisande, men at auken i all hovudsak er driven av utanlandske turistar.
I innanlandstrafikken var det ein nedgang på 1 prosent. 2,47 millionar reiste innanlands i august.
