Veg held framleis stengt

På nettsida til Vindafjord kommune blei stenginga grunngjeven med fare for steinskred den dagen han blei stengd.

— I samband med opprydding etter eit mindre skred er det avdekt ei større blokk som treng tiltak. Kommunal drift har difor valt å stengja vegen preventivt fram til situasjonen er meir avklart, skreiv kommunen.

Då vegen blei stengd, opplyste Vegtrafikksentralen Vest at det skulle gjerast ei ny vurdering fredag 7. mars klokka 12.00. No skriv Statens vegvesen i ei trafikkmelding at det vil bli gjort ei ny vurdering igjen veka etter klokka 14.00, og at rekna sluttid er 15.00 same dag.