Varslar om støyande aktivitet

Dette skriv Kraftmontasje i ei pressemelding.

Kraftmontasje AS er i gang med bygging av Statnetts nye 420kV kraftlinje som skal gå frå Blåfalli transformatorstasjon til nye Gismarvik transformatorstasjon. Arbeidet er nå i ein fase der ein skal begynne med utstrekk av faseliner frå området nedre Austreim/Knapphus fram til kommunegrensa Vindafjord/Tysvær, ved toppen av Storefjellnibba over mot Skjoldastraumen.

Det skal nyttast imploderande hylser som blir sprengt på kraftleidninga i toppen av mastene og lyden vil kunne høyrast over eit stort område. Arbeidet starter måndag den 26. januar og vil pågå fram til slutten av mars. Kraftmontasje vil varsle nærliggjande grunneigarar, samt varsle ved bruk av sirene i forkant av sprengingane.