Valte å satsa med doble lokale og nytilsetjingar

Då Skjold tannklinikk stengde dørene i fjor, sto fleire hundre pasientar utan fast tannlege. For Aksdal tannklinikk blei det starten på ei omfattande utviding.

— Me valte då å ekspandera. Me utvida lokala, kjøpte inn nytt utstyr og auka staben. Det gav oss god kapasitet til å kunna ta imot pasientane, fortel tannlege og dagleg leiar, Camilla Kringen Mæland ved Aksdal tannklinikk.