Helse- og omsorgsminister Ingvild Kjerkol seier vaksinane mot lungebetennelse skal delast ut slik at dei kan komme til nytte.
Foto: Heiko Junge / NTB / NPK
Vaksinar mot lungebetennelse blir delt ut til kommunane
Overskotslageret av vaksinar mot lungebetennelse skal bli gitt bort til kommunar slik at dei kan komme til nytte før dei går ut på dato.
Før påske vart det kjent at Folkehelseinstituttet (FHI) har 50.000 dosar pneumokokkvaksinar på lager som går ut på dato i juni.
Høgre kravde at vaksinane måtte bli gitt bort slik at dei kan takast i bruk i staden for at dei blir destruerte. Helse- og omsorgsminister Ingvild Kjerkol (Ap) stadfestar at vaksinane skal sendast ut til kommunane.
– FHI har kjøpt inn tilstrekkeleg vaksiner, men på grunn av pandemien har det vore gitt færre pneumokokkvaksinar enn venta. Nokre vaksinar vil derfor kunne gå ut på dato dersom dei ikkje blir brukte raskt, skriv Kjerkol i eit svar til Stortinget på spørsmål frå Høgres Sveinung Stensland.
