V8-motorar for veteranen Vormestrand

Den første Scania-lastebilen med V8-motor og 350 hestekrefter her i distriktet, og nummer sju i landet, vart levert på ettervinteren i 1971 til Skude Transport. Kåre Vormestrand i Sandeid (78) og karmøybuen Svein Skjølingstad (1945-2012) hadde like store eigardelar i firmaet, og begge to
reiste til 0slo for å køyra den nye bilen heim over Haukelifjell.

Kåre Vormestrand fortel at det var storarta å sitja bak rattet på ein lastebil med ein motor som ytte 350 hestekrefter.

— Me bytte ofte på å køyra, Skjølingstad og eg, slik at me verkeleg fekk oppleva gleda av å handtera eit køyretøy som hadde så stor motorkraft, minnest han.