Utsett for tuberkulosesmitte

Ei tilsynelatande frisk ku som kom til slakt i november fekk påvist tuberkulose etter at den blei slakta. Det utløyste ei miljøundersøking der 23 personar knytt til den smitta kua blei undersøkt for smitte. Resultatet viste at 6 av desse har vore utsett for smitte.

Alle er frå midtre og indre Haugaland, dei fleste frå Vindafjord. I dette tilfellet er det kua som utgjer smittefare, og den er for lengst avliva saman med resten av besetninga. Kua var heimehøyrande i ein nabokommune til Vindafjord.

— Personar som har påvist smitte kan utvikla sjukdom, men er ikkje smittsame for andre før dei får utbrot, opplyser kommuneoverlegen Vindafjord, Terje Kleiven.