Uroa for vindkraftplanar på Bukkanibba

I staden for eit tradisjonelt folkemøte med stolrekker og innlegg frå talarstolen, hadde Hydro valt ei løysing der mesteparten av tida blei brukt til mingling på golvet. Representantar frå selskapet stod tilgjengelege for samtalar, spørsmål og innspel frå dei som hadde møtt fram.

Prosjektleiar for Haugaland Industrikraft, Erika Vartdal, forklarte at dette var eit bevisst val.

— Me er heilt i startfasen og ønskjer først og fremst å lytta. Dette er ikkje eit ferdig prosjekt, men eit ønske om å greia ut om vindkraft kan vera ein del av løysinga på kraftbehovet til industrien, sa Vartdal.