Tynt ozonlag: UV-strålinga er sterkare enn normalt

– På grunn av tynnare ozonlag over delar av Noreg er UV-strålinga no sterkare enn normalt. Vi forventar at Uv-indeksen kan komme opp mot 3 midt på dagen når det er sol, og då tilrår vi solvern, seier fagdirektør Lill Tove Nilsen i Direktoratet for strålevern og atomtryggleik (DSA).

Dei har eiga nettside som viser dagens Uv-indeks
på ulike stader i landet.

Vanlegvis er det Uv-indeks rundt 2 på denne tida av året. No er den altså 3 fleire stader. Indeks på 3–5 tilseier at vern kan vere nødvendig. Det inkluderer klede, hovudplagg og solbriller i tillegg til solkrem.