Energikonferansen i Etne i regi av partiet Raudt vart avslutta med ei markering av nei til både vindturbinar på land og kraftkablar i luftspenn. Frå høgre Terje Kollbotn frå Raudt, og deretter Margit Pedersen og Vigdis Madssen.
Foto: Jon Edvardsen
Tydeleg nei til master
Kraftleidning frå Blafalli i Kvinnherad til Gismarvik i Tysvær var siste akt i energikonferansen i regi av partiet Raudt på laurdag. Debatten gjekk etter kjente linjer, men det var taust om at fleirtalet i energi- og miljøkomiteen på Stortinget har vendt tommelen ned for Raudt sitt representantforslag om at regjeringa skal instruere Norges vassdrags- og energidirektorat (NVE) til å utgreie kabel i jord og sjø som eit reelt alternativ på lik linje med luftspenn for Blåfalli-Gismarvik.
Kampen mot luftspenn gjennom naturlandskap i Etne har med denne innstillinga fått seg ein nasestyvar.
Kritiserte Statnett
