Årets skuleferie nærmar seg med stormskritt og for bygdefolket i Imsland betyr det kroken på døra for både skulen og barnehagen. At skulen forsvinn får også konsekvensar for bygdehuset som taper store pengar i leigeinntekter knytt til utleige av gymsalen.
90 møtte opp
Imsland Bygdahus var blant laga som stod bak invitasjonen til folkemøtet, og saman med leiarane i Hauk 4H, bondelaget, grendautvalet og bygdekvinnelaget starta dei kvelden med å presentere sitt lag og dela sine planar for framtida. Etterpå var det bygdefolket sin tur til å dela sine tankar. Praten gjekk livleg borda og dei rundt 90 personane som møtte denne kvelden samla seg i grupper for å klekka ut idear som kan skapa ytterlegare liv i bygda. Eitt av hovudpunkta var diskusjon om framtida for bygdehuset.
