Treng fleire bioingeniørar til blodbankane
Noreg må oppretta fleire studieplassar for bioingeniørar, meiner Norges Ingeniør- og Teknologorganisasjon (NITO).
I samband med revidert statsbudsjett, kritiserer leiar for Bioingeniørfagleg institutt Heidi Andersen staten for manglande satsing på utdanning av bioingeniørar. Det melder NITO i ei pressemelding.
Andersen seier dette vil få konsekvensar for blodbankane kringom i landet, som ifølgje henne allereie har for dårleg bemanning.
Annonse
– Det reviderte statsbudsjettet tar diverre ikkje opp auka midlar til studieplassar i særskild tiltrengde fagområde for samfunnet, seier ho.
Fagforeininga NITO seier dei lenge har etterlyst fleire studieplassar for bioingeniørar, for å rusta landet betre mot kriser, krig og demografiske endringar.
(NPK)
