Trappene er blitt møbel

Då Kjartan Steinsland starta i Ølen Trevare i 2002 var alle trapper i lakka furu, og det slang berre nokre spesielt interesserte som var ute etter malte trapper.

Dessutan ville den gjengse huseigar ha dreia og freste variantar på rekkverka. I dag er også dette nesten borte, og Steinsland trur ikkje den naturlege furutrappa vil kome tilbake.

— Furu er ikkje sterkt nok for dei delane det er slitasje på. Det blir for mjuk materiale. I dag har folk ofte kjøkken og stove oppe, og då går det meste via trappa. Etter ti år ser ein stor forskjell på slitasjen på eik og furu i ei trapp, seier han.