Henriette Gjærde (35) med barndomsheimen på Kvitareina i Sandeid i biletet bak seg.
Nils Tokheim
Tollaren som reiste ut
Henriette Gjærde (35) hadde planar om å gå i faren sine fotspor i politiet. Ho blei tollar, men ynskte noko meir. Det har over få år tatt henne til Sveits, England og tilbake til Sveits att, og dei siste jobbreisene hennar har vore til land som Ukraina, Vietnam og Island.
Ho fortel med eit stort smil at i heilt unge år var draumen å bli ridande politi i heimbygda Sandeid, med stall på det dåverande politihuset på kaia.
Etter at ho var ferdig med vidaregåande skule i Ølen, var det litt tilfeldig at det blei Tolletaten og ikkje politiet. Broren Knut hadde gått den vegen, og faren Ingvar var då lensmann i Vindafjord og Etne.
— Eg fekk ved eit tilfelle høyra om tollarutdanninga og ledig stilling i Haugesund, og fann at det kunne vera eit alternativ til politet, seier ho.
