Svømmebasseng er litt av det ekstra i det nye huset til Jone Matre på Holmen i Vikedal som han er med på å utvikle.
Foto: Jon Edvardsen
Tok skeia i eigne hender på Holmen
Svømmebasseng i huset og solpanel på taket, er litt av det dei godt vaksne husbyggjarane Marta og Jone Matre fått i det nye huset. Tomtekjøp vart til tomteutvikling på Holmen i Vikedal.
Frå fjellhenget i Søndenåfeltet er dei flytta ned til nytt hus på Holmen mellom campingplassen og resten av sentrum. Som namnet tilseier var det ein holme, og i dag er det Kyrkjehølen i bakkant som minner om det.
— Kjekt å kome ned på flata og godt med sol heile året, meiner Marta (66) og Jone (67).
Ekteparet Matre i Vikedal budde på Søndenå i 41 år før dei bestemte seg for å byggje heilt nytt hus.
