Tok det første jafset i Espelandsvingane

Ein stor flokk frå Statens vegvesen og entreprenør Vassbakk & Stol, pluss fungerande ordførar i Vindafjord, Tove Elise Madland, var heiagjeng for Terje Halleland som sette seg bak spakane i dag.

— Eg eigde ei gravmaskin ein gong i tida, men den hadde fire spakar og var meir komplisert enn denne her. Det er flott at vi er i gang med dette prosjektet. Det må vere den dårlegast strekninga mellom Ølen og Haugesund, seier han.

— Og Bakka-Håfoss den dårlegaste på heile europavegen, supplerer prosjektleiar Asbjørn Opedal i Statens vegvesen.