Til sjukehus etter ulykke

Klokka 06.35 torsdag morgon fekk politiet melding om ei trafikkulykke på FV4736 Vikevegen. Eitt køyretøy er involvert, og bilen ligg på taket. Det var berre føraren i bilen, og vedkomande framstår som lett skadd. Brannvesenet er på staden. Politi og helse er på veg. Vegen er sperra i begge retningar.

07.23 har politiet opna eitt køyrefelt, og trafikken blir dirigert på staden.

08.14 melder politiet at føraren, ein mann i 40-åra, blir frakta til Haugesund sjukehus for oppfølging. Politiet mistenkjer køyring i ruspåverka tilstand, og nødvendige prøver blir sikra. Bilen er fjerna, og vegen er open.