Tex Willer… og far min

Eg har eit forhold til Tex Willer. Men ikkje det forholdet du kanskje først trur. Me har ikkje ridd saman inn i solnedgangen over prærien, eg har ikkje blitt redda frå bandittar av den barske Texas Ranger’en, og nei – eg har heller ikkje hatt plakatar av han på rommet mitt.

For meg har Tex Willer alltid vore… ventetid.

I min barndomsheim hadde far min ein god relasjon til Tex. Det var med relativt jamne mellomrom han forsvann ned i privaten», og når dette skjedde – visste me at me ikkje kom til å sjå han igjen på ei god stund.