Vigdis Madssen, leiar i Rødt Etne, meiner kommunen ikkje kan visa til handlingsplanen som ROS-analysen frå 2019 seier skal lagast. Ho reagerer på det ho kallar «svada-svar» frå kommunen.
Grethe Hopland Ravn
Etterlyser handlingsplan – Reagerer på «svada-svar» frå kommunen
Bakgrunnen
for saka er den heilskaplege risiko- og sårbarheitsanalysen (ROS) som blei
utarbeidd for Etne kommune i 2019. I sluttrapporten blir det slått fast at
kommunen skal følgja opp analysen med ein konkret handlingsplan for
samfunnstryggleik og beredskap. I dokumentet heiter det: «Som oppfølging av
ROS-analysen, skal det lagast ein handlingsplan for samfunnstryggleik og
beredskap, for å konkretisera at måla, strategiane og tiltaka blir følgd opp i
planverk, opplæring, øvingar og møte, fagleg utvikling, økonomiske avklaringar,
utstyr og organisering.»
Analysen
peikar mellom anna på at det manglar mål for samarbeid med andre kommunar og
eksterne aktørar, og at kommunen må gjera ei heilskapleg vurdering av mål,
strategiar og tiltak som oppfølging av analysen.
Peikar på
lovkrav
