Telefonstolpar og -leidningar blir sett opp på Sunndalsøra ein gong på 1950-talet. No skal stolpar over heile landet fjernast.
Arkivfoto: Sverre A. Børretzen / AKTUELL / NTB / NPK
Telefonstolpane skal bort
NPK: Det går telefonlinjer på kryss og tvers i alle kommunar i Noreg. Og talet på telefonstolpar er rundt 1,3 millionar. No skal dei bort fordi fastnettet skal koplast ut.
Ein halv million telefonstolpar skal fjernast etter 2025, fortel NRK.
— Det er ein gedigen jobb. Det er 143 tusen kilometer med kablar. Hadde vi lagt dei rundt jorda hadde dei gått tre gonger rundt, seier Arne Quist Christensen, moderniseringsdirektør i Telenor, til kanalen.
Jobben med å fjerne stolpane kjem til å koste minst 2 milliardar. Rekninga tar Telenor.
— Det har vi tatt høgde for. Vi visste at det kom ein dag der dette skulle bort, seier Christensen.
