Leif og Bjørg Halleland har innreia ei stove med ting og tang frå hundreår tilbake i tid. Tømmerveggene er frå 1855, og her sit dei gjerne og nyt både kaffi og noko godt å bita i.Foto: Grethe Hopland Ravn
Det sprakar godt i omnen i den gamle stova på Halleland i Etne, og på bordet står både kaffi og noko godt å bita i. Skulle ein bli litt småkald på beina finst det ei løysing på det også, for ein har ikkje før sett seg ned i den gamle sofaen før Bjørg Halleland kjem med ei stor korg heimestrikka tøflar.
