Siri Klokkerstuen er leiar i Etne mållag.
Arkivfoto: Grethe Hopland Ravn
Talet på mållagsmedlemer er aukande
Nyleg registrerte Noregs
Mållag heile 16 426 medlemer. Nå er Mållaget over 2000
fleire mållagsmedlemer enn for fem år sidan, 4000 fleire enn for ti år sidan,
og 6000 fleire enn for tjue år sidan, skriv Noregs Mållag i ei pressemelding.
Det lokale mållaget i
Etne ser ut til å følgje trenden, og kan melda om både medlemsvekst og aukande
aktivitet i laget. For Vindafjord Mållag viser tala ein svak nedgang.
— Me har oppadgåande
medlemstal og me er i dag fleire enn me har vore på mange år. Me har jobba for
å få medlemstalet opp igjen etter ein periode med kvile og i dag har me 67
medlemer. Me har fått sju nye det siste året. Det er kjempebra, seier leiar i Etne Mållag, Siri Klokkerstuen.
