Svovelsky frå vulkanutbrotet når Vestlandet i natt
Klokka 5 natt til onsdag er ei svovelsky venta å nå Vestlandet frå vulkanutbrotet på Island. Det er ikkje snakk om farlege konsentrasjonar av stoffet.
– Klokka 5 i natt forventar vi at svovelskya når Vestlandet. Det er snakk om veldig låge konsentrasjonar av svoveldioksid, seier Heiko Klein, koordinator for beredskapsmodellar ved Meteorologisk institutt til VG.
Han seier folk på Vestlandet kanskje kan lukte svovelet.
– Kanskje det blir mogleg å lukte det. Vi skal halde auge med bakkemålingar av svovel på Vestlandet, seier Klein, og føyer til at det ikkje er snakk om farlege konsentrasjonar av svovel.
