Kanskje blei det litt meir arbeid med serveringa enn medinnehavar Veronica Vestre Pettersen hadde sett for seg.
Nils Tokheim
Strøymde til opninga
Det var stor interesse for å sjå det nye treningssenteret i Skjoldavik då det blei opna laurdag. Veronica Vestre Pettersen måtte med jamne mellomrom etterfylla på kakebordet.
Namnet Spenst har dei frå kjedesamarbeidet dei er ein del av. Veronica Vestre Pettersen, som står bak treningssenteret saman med Aleksander Sirnes Pettersen og Jan Morten Vestre, seier at fordelen med å vera ein del av ein kjede er viktige og nyttige både for dei og brukarane.
— Me må tilpassa oss kjeda sine krav til fargar, men ikkje minst har dei vore gode rådgjevarar. Mange medlemsfordeler vil det óg vera for dei som vil trena hos oss, seier ho om kjeda som er medlemseigd.
Noko av omsetninga går til kjeda, men spesielt i starten får dei god hjelp i det etablerte bestillingssystemet, heimeside og meir.
