Stortrivst som helsefaglærling

— Eg kan ikkje tenkja meg noko anna yrke. Det er svært gjevande og veldig kjekt. Det er eit yrke eg verkeleg kan anbefala. Dei som vel helsefag kjem ikkje til å angra, seier Emma Eiknes som storkosar seg på jobb.

— Det er fint å få gjera dagen til pasientane betre. Dagane er travle, men me prøver å gjera det beste for pasientane, seier ho.

Etter to år på Ølen vgs. starta ho i lære ved Ølen omsorgssenter sist haust. Her deltek ho i det daglege arbeidet saman med ein tilsett og har vakter både på dagtid, kveld og tredje kvar helg.