Lisa Marie Ness Klungland (t.h.) er godt i gang med sin nye jobb på Ølen omsorgssenter. Her med Torunn Hundhammer i heimesjukepleien.
SVEIN-ERIK LARSEN
Stortrivst i ny kvardag
Lisa Marie Ness Klungland (32) har bytta ut Stortinget med Ølen omsorgssenter. Som sjukepleiar nyt ho å gi pasientar best mogleg livskvalitet til siste stund saman med gode kollegaer.
— Heldigvis er det gode kollegaer her. Erfarne
helsefagarbeidarar som er kjekke og flinke, og som har gjort det lettare å
setje seg inn i arbeidet, seier Ness Klungland.
1. desember var
hennar første arbeidsdag. Ho minnast ein koseleg første månad med julepynt og
juleaktivitetar.
Dagane til Ness
Klungland er travle. Med turar opp og ned trapper for å hente medisinar til
pasientar på omsorgsavdelinga trur ho at dei tilsette der går 10.000 skritt på
ein arbeidsdag. Mange pasientar her treng mykje hjelp, og dei tilsette er på
eit vis den forlenga armen deira på det som er deira heim for resten av livet.
