Stor trivsel og mange aktivitetar på fjellcamp

— Det har vore veldig kjekt at me kan ha sommarleiren trass koronaen. Det er kjekt at frivillige tar seg tid, og sørgjer for at me får ein kjekk leir, uttrykkjer 12 år gamle Johanna G. Sævareid.

Ho får støtte av den jamaldrande venninna Eline Ekornrud som er glad for moglegheitene til å gjere mykje forskjelleg på aktivitetane. Eline trekkjer fram at det er kjekt at dei framleis kan vere med folk, og at så mange tar seg tid til å komme.

Leiren gjekk frå måndag 21.- til torsdag 24. juni. Det var opplett og aktivitetsvennleg vêr då Grannar tok turen måndag ettermiddag.