Bjørn Fosser (40) frå Bærum (t.v.) testar her paddle-banen i Ølen. Saman med to kameratar var han på paddle-turné i sist veke, og var innom banar i Drammen, Tønsberg, Skien, Kristiansand, Eigersund, Stavanger og Ølen. Snorre Erlandsen (t.h.).
Foto: Anita HauglandFOTO: Anita Haugland
Stoppa ved aktivitetsparken på Paddle-turné
Kameratgjengen frå Austlandet meiner Paddle-banen ved fjorden ligg idyllisk til.
— Dette er siste stopp, før me dreg til Oslo for å spela turnering i morgon, fortel Snorre Erlandsen (47).
Han kjem opphavleg frå Stavanger, men er busett i Lierskogen utafor Oslo. Han og to kameratar, Bjørn Fosser (40) frå Bærum og Jesper Bollius (42) frå Ullern, har akkurat parkert ein kvit bil utanfor Sjøperlo i Ølen denne solfyllte julidagen. Logoen på bilen, Drammen Padel, og bagasjen dei tek med seg ut, kan tyda på at dei har ein plan om å svinga racketane på padelbanen i aktivitetsparken.
— Me har vore på Padel-turné i ei veke no. Først hadde me tenkt å reisa til Sverige, der dei har rundt 1.000 slike banar, men på grunn av korona blei det berre noregsturné, fortel Erlandsen.
