Stø kurs mot makta
Alt tyder på at Mette Heidi Bergsvåg Ekrheim (Sp) blir ny ordførar i Etne kommune.
9. september er det kommune- og fylkestingsval i Noreg. Norfakta har på vegner av Grannar gjennomført ei politisk meiningsmåling i Etne. Den viser at Sp fleksar musklar så det held, mot alle konkurrentane. For mens alle andre partia i dagens kommunestyre går tilbake i målinga, så aukar Sp frå solide 30,2 prosent ved siste val, til heile 42,4 prosent i den ferske målinga.
Til samanlikning går dagens ordførarparti, Ap, tilbake frå 22,5 til 17,7 prosent. Ap er framleis nest størst. Men mens skilnaden mellom dei to var på 8,2 prosentpoeng i favør Sp i 2015, så er differansen no på heile 24,7 prosentpoeng(!).
Og om dette blir valresultatet vil Sp vinna 7 av dei 17 representantane i kommunestyret. Ap og Frp vil vere nest størst, med 3 representantar kvar.
