Rune Hetland (V) er utolmodig og meiner nok er nok med at pengeforbruket er større enn budsjettet år etter år. Han vil stille administrasjonen til ansvar for å følgje budsjett som med kosmetiske endringar er akkurat slik staben ville ha det. Arkivoto: Jon Edvardsen
Stiller rådmannen til ansvar
Vindafjord skal justere drifta med titals millionar, og Rune Hetland (V) meiner administrasjonen i kommunen må gå i seg sjølv og finne løysingar. Han ser ingen grunn til å rokke ved skulane.
Venstre-politikar Rune Hetland fekk fleirtal i formannskapet for at kommunen ikkje skal bruke ei krone over budsjett resten av året. I tillegg skal rådmannen kome til politikarane med enkeltsaker for tenesteområde som har problem å få budsjettet til å strekkje til.
Korleis det skal fungere fram til rådmann Yngve Folven Bergesen legg fram forslag til sparepakke 4. september, er litt uklart for rådmannen.
Hetland meiner det er på tide at politikarane er meir strenge og sender ballen i retur til administrasjonen med krav om å ikkje bruke meir pengar enn i det budsjettet staben har laga sjølv.
