Natt til tysdag blir E134 gjennom Ølensvåg heilt stengt, og frå tysdag morgon blir trafikken flytta tilbake til den nye vegen, men med ei køyrebane i tre-fire dagar. Slik såg anlegget ut litt ut på dagen på fredag.
Foto: Jon Edvardsen
Stenger vegen før opning
Alt er entreprenør Risa AS sitt bord, men det er opp til Statens vegvesen å godkjenne avviklininga av trafikken. Planen er at trafikken skal inn på den nye vegen igjen, som altså er den gamle traseen, i morgon tidleg.
Prosjektleiar Asbjørn Opedal i Statens vegvesen seier at dei reknar med at omlegginga blir på tysdag, men det blir endeleg tatt stilling til i dag måndag klokka tolv. Vilkåret er at anlegget er så ferdig at det er uproblematisk å føre bilane tilbake på den nybygde vegen.
Før helga stod det ein del arbeid igjen, og Risa AS har planlagt å asfaltere biten mellom Kiwi-krysset og inn på bakketoppen i aust i løpet av i dag.
