Stemningsfull kveld i førjulstida

— Vindafjord kan vera glad over å ha dette koret. I kveld var dei spesielt flinke, seier Leiv Haaland etter at årets faste førjulskonsert med vindafjordkoret KORé Vindafjord er over for denne gong.

Vikedalsbuen stiller som oftast opp når koristane frå Vindafjord inviterer til konsert, og særs kjekt er det når dei byr på juletonar i adventsmånaden.

— Eg går på det meste av konsertar til koret og eg er alltid på konsert før jul. Det er ein tradisjon og når dei syng, då er det jul, seier han.